“ နေက္ခမ္မ ( စွန့်လွှတ်မှု )နေက္ခမ္မအဓိပ္ပါယ် ” - သီတဂူဆရာတော်

နေက္ခမ္မ-ဆိုတာ ဘယ်လို translate (ဘာသာသာပြန်)လုပ်ချင်လဲ?
တောထွက်တာလား? တောထဲမှာ အခုလူတွေ အများကြီးပဲ။
ဘုန်းကြီးတွေရော၊ ကလေးတွေရော၊ ကျောင်းသား တွေရော၊
စစ်သားတွေရော၊ ကချင်တွေရော၊ ကရင်တွေရော အများကြီးပဲ။
ဒါ…တောထွက်တာလား?။ အဲဒါနေက္ခမ္မဆိုတဲ့ စာလုံးကို ဘုန်းကြီး
တို့က တောထွက်တာလို့ မဆိုချင်ဘူး။ Renounce-စွန့်လွှတ်တာ။
ဘာလုပ်တာလဲ? စွန့်လွှတ်တာပါဘုရား။ အားလုံးစွန့်လွှတ် နိုင်မှ။
သိဒ္ဓတ္ထက ထိပ်တန်းကနော်။ ဟို…သမ္မာသမ္ဗုဒ္ဓကိုမပြောပဲ စကား
လုံးတစ်လုံး ပြောပါ့မယ်။ Most perfect one- လောကမှာ
အပြည့်စုံဆုံး ပုဂ္ဂိုလ် တစ်ယောက်၊ လောကရဲ့ အထိပ်တန်း
အပြည့်စုံဆုံးသော ပုဂ္ဂိုလ်တစ်ယောက် ဖြစ်လာဖို့ရန်အတွက်
သူဘာလုပ်ရတာလဲ?။

စွန့်လွှတ်ခြင်းဖြင့် ထိပ်တန်းဘ၀တက်ခြင်း
-----------------------------------------

ယသောဓရာနဲ့ (၁၃)နှစ်လောက် ကာမဂုဏ်စည်းစိမ်ခံစားနေပေမယ့်
အဲဒါကို ဘာလုပ် ပစ်ရလဲ?။ စွန့်ပစ်ရပါတယ်ဘုရား။ စွန့်ပစ်ရတယ်…
renounce-ဆိုတာ ဒါကို ပြောတာ။ တောထဲသွားနေကို ပြောတာ
မဟုတ်ဘူး။ renounce- စွန့်ကြ။ ဒီစည်း စိမ်းချမ်းသာလေးကို
မစွန့်လွှတ်နိုင်ရင်, မက်မောနေရင်, သာယာမှုလေးတွေကို မစွန့်လွှတ်
နိုင်ရင် လောကမှာ ဘယ်တော့မှ ရှေ့တန်းမရောက်ဘူး၊ ထိပ်တန်း
မရောက်ဘူး။ renounce-ဆိုတာ စွန့်လွှတ်တာ။ နန်းတော်ကြီးလည်း
စွန့်ရတယ်၊ မကြာခင်မှာ သုဒ္ဓေါဒနက သူ့ကို ဘာလုပ်တော့မှာလဲ?။
နန်းလွှဲတော့မယ်၊ ဘုရင် လွှဲတော့မယ်။ အဲဒီတော့ မင်းစည်းစိမ်ပါ
ဘာလုပ်ရလဲ? အဲဒီတော့ ဒီလိုပြောရင် စိတ်မဆိုးနဲ့။

Renounce the power-သူရမည့် အာဏာပါဝါတွေကို သူဘာလုပ်
သွားလဲ?။ စွန့်တာ။ အဲလိုစွန့်တဲ့အတွက်ကြောင့် သူဘာဖြစ်သွားလဲ?
ဗုဒ္ဓဖြစ်တာ။ အဲဒါကြောင့် ခန္ဓာကိုယ်ရဲ့ သက်သာမှုကလေးတွေ
မစွန့်လွှတ် နိုင်သေးသမျှ, မက်မောစရာလေးတွေကို မစွန့်လွှတ်နိုင်
သေးသမျှ ဘာဖြစ်လဲ? ဘယ်တော့မှ ထိပ်တန်းတစ်နေရာကို မရဘူး။
စွန့်လွှတ်ချင်တဲ့ စိတ်ဓာတ်ကို အားလုံးမွေးကြ။

Renounce-ဆိုတာ အဲဒါပါပဲ။ We should sacrifice and renounce
our time. အချိန်၊ ကျုပ်မအားဘူး၊ ကျုပ်အချိန်၊ ကျုပ်အတွက်
အလုပ် လုပ်ရအုန်းမယ်။ သူများအတွက် အချိန်မပေးနိုင်ဘူး၊ တိုင်းပြည်
အတွက် အချိန်မပေးနိုင်ဘူး၊ လူသားတွေ အတွက် အချိန်မပေးနိုင်ဘူး၊
လုပ်သမျှ ကိုယ့်အတွက်ကိုချည်း အချိန်ကို အသုံးချတာ။ အချိန်ကိုလည်း
မစွန့်လွှတ်နိုင်ဘူး။ နောက်တစ်ခုက as long as we should not
renounce money- ပိုက်ဆံငွေကြေးလည်း အဆုံးရှုံးမခံနိုင်ဘူး၊
Power-ကိုယ့်ရဲ့ တန်ခိုးသြဇာ ပါဝါကိုလည်း မစွန့်လွှတ်နိုင်ဘူး။

Sensual pleasure-စည်းစိမ်ခံစားရတာ တွေကိုလည်း မစွန့်လွှတ်
နိုင်ဘူး၊ for the welfare of the nations- သူတပါးတို့ရဲ့
အကျိုးစီးပွားအတွက် ကိုယ့်ရဲ့ အချိန်၊ ကိုယ့်ရဲ့ စီးပွားဥစ္စာ၊ ကိုယ့်ရဲ့
သက်သာမှုတွေကို မစွန့်လွှတ်နိုင်သေးသမျှ မက်မောစရာလေးတွေကို
မစွန့်လွှတ် နိုင်သေးသမျှ ဘယ်တော့မှ ထိပ်တန်းကို မရောက်ပါဘူး။
အဲဒါကြောင့် renounce-ဆိုတဲ့ နေက္ခမ္မပါရမီဟာ ကိုယ့်ရဲ့ possession,
ကိုယ့်ရဲ့ power, ကိုယ့်ရဲ့ ပိုင်ဆိုင်မှု, ကိုယ့်ရဲ့အချိန်, ကိုယ့်ရဲ့ သက်သာမှု
တွေကို ဘာလုပ်တာလဲ? သူတပါးတို့ အတွက် များများကြီး စွန့်လွှတ်
နိုင်အောင် ကြိုးစားကြပါလို့ ဒီအချက်တော့ ဒါပြောသွားတာ။
We would never minister the services to the nations
as long as we could not renounce- မစွန့်လွှတ်နိုင်သေးသမျှ။
We would never minister the services to the nations-လူတွေရဲ့
အကျိုးစီးပွားကို တို့မလုပ်နိုင်ဘူး။

- သီတဂူဆရတော်ဘုရားကြီး ဒေါက်တာဥာဏိဿရ

Posted By တော်ဝင်မင်းသားလေ6း:30 AM

0

Continue Reading

ဓမ္မတန်းဘိုး

ဓမ္မကို ဒီဘ၀မှာ မလေ့လာ ၊ မသင်ယူလိုက်ရတာဟာ အတော်ကို နစ်နာတယ်။ နိဗ္ဗာန်တွေ ၊ မဂ်ဖိုလ်တွေကို ခဏထားလိုက်ပါအုံး။ အနည်းဆုံးတော့ ကိုယ့်ကိုကိုယ် ဘာလဲဆိုတာတော့ သိသွားတယ်။ အဲဒါကို ပါဠိစာပေမှာ သမ္မာဒဿနလို့ ခေါ်တယ်။ သမ္မာဒဿန ဆိုတာ သမ္မာဒိဋ္ဌိပဲပေါ့။
ဒီတော့ ကိုယ့်ဘ၀ကို သမ္မာဒိဋ္ဌိနဲ့ လျှောက်မလား ? မိစ္ဆာဒိဋ္ဌိနဲ့ လျှောက်မလား လို့ မေးလာရင် ဖြေနိုင်အောင် ဘုန်းကြီးတို့ ယနေ့ သင်ပေးနေတာ။

သီတဂူဆရာတော်ကြီး အရှင်ဥာဏိဿရ

ယနေ့ ၁၄-၄-၂၀၁၃ သင်္ကြန်အကျနေ့ ၊ ညနေ ၆ နာရီတွင် ဒဂုံမြို့ သစ်မြောက်ပိုင်း သီတဂူဗုဒ္ဓတက္ကသိုလ်၌ ဒုတိယနေ့ ညနေပိုင်းအစီအစဉ်အဖြစ် သင်ကြားပို့ ချသော မဟာသတိပဌာနသုတ် မှ ကောက်နုတ်ဖော်ပြပါသည်ခင်ဗျာ။

Posted By တော်ဝင်မင်းသားလေး9:27 AM

0

Continue Reading

နတ်၊ နတ်ပြည်၊တမလွန်ဘ၀ဆိုတာ တကယ်ရှိသလား

မြတ်စွာဘုရား သက်တော်ထင်ရှားရှိစဉ်က မြတ်စွာဘုရားနှင့် တန်ခိုးကြီး ရဟန္တာများ နတ်ပြည်၊ ဗြဟ္မာပြည်သို့ ကြွရောက်မူကို ပြဆိုသော ပိဋကတ်စာပေများ ကို၎င်း၊ မြတ်စွာဘုရား သက်တော်ထင်ရှား ရှိစဉ်က နတ်၊ဗြဟ္မာများ မြတ်စွာဘုရားထံ တစ်ဦးချင်း (သို့)
အစုအဝေးဖြင့် တစ်ခါတစ်ရံ လာရောက် ဖူးမျှော်ခြင်း မှတ်တမ်းများကို၎င်း၊ ထောက်ဆ၍ ၊ နတ်၊ဗြဟ္မာများ အမှန်တကယ်ရှိကြောင်း ထင်ရှားစေပါတယ်။

မိမိတို့ လက်ရှိဘဝမှာပင် သိပ္ပံပညာ၊ လောကီအတတ်ပညာများဖြင့် တိုင်းတာ ၊မှန်းဆ စဉ်စား၍ မရလောက်အောင် သဘာတရား၏ ဆန်းကြယ်ပုံများ၊ ထူးဆန်းသော သဘာဝဖြစ်ရပ်များကို ထောက်ဆ၍လည် မိမိပကတိ မျက်စီဖြင့် မမြင်နိုင်သော ဗြဟ္မာ့ပြည် နတ်လောက ရှိကြောင်းကို
ထောက်ဆသိမြင်နိုင်ပါတယ်။

ဲဗြဟ္မာပြည်
မြတ်စွာဘုရားသည် အဘိဓမ္မာတွင်၊ ကာမ၊ မဟဂ္ဂုတ်၊ လောကုတ္တရာဟု ကျင့်စဉ် စိတ်ဖြစ်စဉ် သုံးမျိုးဟောကြားထားရာ တွင် မဟဂ္ဂုတ် ကျင့်စဉ်သည် ဗြဟ္မာပြည်ရောက်ကြောင်းဖြစ်၏။

ကာမကုသိုလ်ထက် သာလွန်သော မဟဂ္ဂုတ်ကုသိုလ်ခေါ် ဈာန်စိတ်များသည် လွန်စွာအာနုဘော်ရှိ၍ အမြင်၊ အကြား စသော တန်ခိုး အဖုံဖုံရှိပြီး ဖန်ဆင်းနိုင်သော တန်ခိုးများကို အံဖွယ်ကြုံတွေ့ရတတ်၏။

ထိုဈာန်ကုသိုလ်များကြောင့် နိဝရဏကင်းရာ ဈာန်ချမ်းသာဖြင့်
နေရတတ်၏ ။ ထိုဘုံဌာနကို ဗြဟ္မာ့ဘုံဟုခေါ်သည်။ ထိုတွင်
၁) ရုပ်သာ ရှိသော ဗြဟ္မာ၊
၂) နာမ်သာရှိသော ဗြဟ္မာ၊
၃) ရုပ်၊နာမ် နှစ်ပါးလုံးရှိသော
ဗြဟ္မာဟု သုံးမျိုးရှိပါသည်။

ဗြဟ္မားများ၏ ကိုယ်ခန္ဓာမှာ နူးညံ့သိမ်မွေ့လှ၍ လူတို့ ပကတိမျက်စီဖြင့် မမြင်နိုင် ၊ သဗ္ဗညုဘုရားရှင်တို့သာ မြင်နိုင်ပါသည်။

နတ်ပြည်
နတ်ပြည်ကိုလည်း လူတို့၏ ပကတိမျက်စီဖြင့် မမြင်နိုင့် ၊ ပကတိအသွားဖြင့် မရောက်နိုင်၊ တန်ခိုးအဘိညာဉ်များဖြင့်သာ မြင်နိုင်၊သွားနိုင်၊
ရောက်နိုင်သည်။နတ်များသည်လည်း နူးညံသိမ်မွေ့
သောရုပ်ခန္ဓာများဖြင့်ဖွဲ့စည်းထားသည်။ ပကတိမျက်စီဖြင့် မတွေ့မြင်ရ၍ မရှိဟု မဆိုနိုင် ၊ဥပမာ..၊ လောက၌ရှိသော လေသည် အထိအတွေ့ရှိသော်
လည်း မမြင်ရ၊ အသံလှိုင်းရုပ်များကိုသည်လည်း လောကတွင် ပကတိ ရှိသည်ဟု လက်ခံယုံကြည်ထားကြသော်လည်း ပကတိ တွေ့ထိမှု့သည် မထင်ရှားပေ။

အာဠာဝကဇာတ်တော်တွင် မြတ်စွာဘုရားသည် အာဝဠဝီပြည်အနီး
အာဠဝက၏ ဗိမာန် ညောင်ပင်ကြီးဆီသို့ ကြွရောက်ဖူး၏ ။ အာဠဝက မရှိခိုက် ဇနီးနှင့် တပည့်အခြွေအရံတို့အား နတ်သမီးများအား မြတ်စွာဘုရား
တရားဟောဖူး၏။

ထိုအာဠဝက ဗိမာန်ကို လမ်းသွား လူများ မမြင်ရ၊ ထိုခေတ်က တချို့ သစ်ပင် များမှာ နတ်၊သရဲ ၊တစ္ဆေများရှိသော်လည်း လူများ မတွေ့မြင်ရ ၊ သူတို့ ထင်ရှား ပြမှသာ မြင်နိုင်ကြားနိုင်သည်။

ယခုခေတ် နတ်များကို ပကတိမျက်စီဖြင့် မမြင်နိုင်သော်လည်း သာမန်လူ တစ်ယောက်ကို နတ်များ ဝင်ပူးခြင်းကို ထောက်ဆ၍ နတ်များ ရှိကြောင်းကို ထင်ရှားစေသည်။

မိတ်ဆွေ ခရစ်ဘာသာဝင် တစ်ယောက် ခရစ်တော်၌ ရာနှုန်းပြည် အယုံအကြည် မရှိ၍ ၊ ထင်းရှားပြဟု စိတ်ထဲမှ တိုင်တည်လိုက်တာ ၊ခရစ်တော် ကိုယ်၌ ဝင်ပူးလာကြောင်း ပြောပြဖူးသည်။

အမှန်အားဖြင့် နတ်ပြည်၊ ဗြဟ္မာပြည်မျာသည် ကျင့်စဉ် ဘာဝနာ တရားများ၏ အရာသာဖြစ်သည် သိပ္ပံပညာရှင် တိုင်းတာရမည့်အရာမဟုတ်ပါ။

တမလွန်ဘဝ
ဘုရားဟော ဇာတ်တော်များ၌ ရှေးဘဝကို မြင်နိုင်သော ပုဂ္ဂိုလ်များကို လေ့လာတွေ့ရှိနိုင်ပါတယ်။ ထို့အတူ ယခုအခါလည်း လူဝင်စား များ ပြောပြချက်အရ တမလွန်ဆိုတာ ရှိကြောင်း သိသာထင်ရှားစေပါတယ်။

ဗုဒ္ဓဒေသနာအရ.. ဤဘဝမှ ပြောင်းသွားသော ရုပ်၊နာမ်ဟူ၍လည်းကောင်၊ သတ္တဝါဟူ၍လည်းကောင် အတ္တကောင်၊ဝိညာဉ်ကောင်ဟူ၍ လည်းကောင်း မရှိ။ လူတစ်ယောက် ပြုလုပ်သော ကုသိုလ်၊အကုသိုလ် အစွမ်းသတ္တိသာ ဘဝတစ်ပါးကို ကူပြောင်းသွားးခြင်ဖြစ်ပါတယ်။ ဒီဘဝက ပြုလုပ်ခဲ့ တဲ့ ရုပ်နာမ် စဉ်ဆက် ကံအဆက်များ ရုပ်သစ်၊နာမ်သစ် ဘဝသစ်မှာ ဖြစ်ရခြင်း ဘဝတစ်ပါး ကူးပြောင်းခြင်းဟု ခေါ်ဝေါ်ခြင်းဖြစ်ပါတယ်။

သတ္တဝါများ ကံကြောင့်ဖြစ်၍ တစ်ယောက်နှင့်တစ်ယောက် စိတ်နေသဘော ထား ၊ဥာဏ်များကွားခြားရသည်။ သို့သော် ဥတုကြောင့်ဖြစ်သော သစ်ပင်များ၌ အသီးများမှာ ကွားခြားရှင်းမရှိ၊ ဥပမာ သရက်သီးတွင် တစ်လုံးနှင့်တစ်လုံး အနံ့အရသာ ကွာခြားခြင်းမရှိ အတူတူဖြစ်သည်။

အထက်ပါ နတ်ပြည်၊ ဗြဟ္မာပြည်၊ ဇာတ်နိပါတ်လာ တမလွန်ဘဝ အကြောင်းကို ပြောပြသူများ၊ ယခုခေတ် လူဝင်စားများကို ထောက်ဆ၍ တမလွန်လောကရှိကြောင်းသိသာထင်ရှာပေသည်။

ထူးခြားချက်မှာ။။ ဗုဒ္ဓ၏ တမလွန်လောက၊ နောက်ဘဝဆိုတာသည် ဘာသားခြားများနှင့်မတူ ၊ မိမိ၏ ကံ၊ကံအစွမ်းဖြင့်သာ ဖြစ်ရခြင်းဖြစ်သည်။ ထိုကံများ ကုန်းဆုံးသွားသော အရိယာများမှသာ နောက်ဘဝဆိုတာ မရှိတော့ပေ။

Posted By တော်ဝင်မင်းသားလေး9:58 AM

0

Continue Reading

“Community Dialogue for Social Harmony & Stability in Myanmar“ 
At Myanmar Peace Center
#11, Shweli St., Inya Ln., Dhammazedi Rd., Yangon
(Buddhist, Hindu, Christian, Islam, Political, Film, and Other Groups)
Dated: 30/03/2013
-------------------------
Strongly Condemn all forms of Violence 
by
Sitagu Sayadaw
                                                                               
As a religious leader, I would like to affirm that I strongly condemn all forms of violence.
Today, Myanmar has witnessed riots, violence and clashes between one national race and another in different faith caused by unknown instigators. Actually, racial and religious riots and violence which started from Rakhine State spread to Meiktila in Mandalay Region resulting in clashes between Buddhists and Muslims. It did not stop and moved to some townships in west Bago Region. At the same time, due to unscrupulous people who wanted to exaggerate the situation, rumors disseminated to other states and regions and made the national brethren who want to live in peace and unity anxious about the security matters. This kind of rumor, indeed, is a major hindrance to our country which is marching towards a new society of peace and prosperity. Therefore, I strongly protest and condemn all forms of violence religious, racial and economic violence.

The core essence of Buddhism is based on Non-violence which is termed "Ahimsa" in Pali language. I accept the fact that it is a universal principle and value which other major religions such as Christianity, Islam and Hinduism also embrace. I also believe that all Gods who founded their respective religions talked only about Peace (Santi) but protested violence. So the people of different faiths are requested to live in peace, harmony and co-existence in line with the noble teachings of their respective religions. In doing so, it is of uttermost importance that Tolerance (Khanti), Forgiveness (Khama) and Forgetting each other's mistakes and wrong doings (Anunnyata).

I also wish to urge that rumors and suspects should not be created with ill-intention to bring about violence. They are greatly detrimental to building peace and stability. Those who created suspects among the different communities are committing major crimes while those disseminating rumors are destroying peace and stability. The Buddha used to emphasize by saying, “Ma Anussavena Gahnittha” - which means: “Do not be led by rumors based on exaggerated hearsay without trying to discover the truth yourself”. So I would like to stress that the people should not be led by rumors and moved by suspects. Deduction should be taken through thorough observation and contemplation proving that the rumors are logical and acceptable.

Myanmar is a country rich in cultural heritage where Buddhism is significantly flourishing. It is not a land where uncivilized people are residing. It is a country of multi-cultural, multi-ethnic, ad multi-faith where the people have long enjoyed the rights to worship any religion they choose. The people have enjoyed a fine tradition of following religions and cultural teachings of their parents, teachers and virtuous recluses for thousands of years.
I would like to put my special request that the people who are living on the same land under the same flag drinking the same water stand united reflecting Myanmar's spirit of peace, harmony and co-existence.
The word Myanmar comes from Brahma which means "Noble". The meaning would be complete if it is added with patience, forgiveness, loving-kindness, compassion, justice and rationality. I would, therefore, like to urge the people of Myanmar to be noble-hearted and also united in protecting and preventing violence.

The number of monks in Myanmar figures nearly 500,000 at present which is about the strength of the Myanmar Armed Forces. What I would like to request here is that while the Myanmar Army is carrying out its prime responsibility of defending the sovereignty of the State land for the prevalence of peace and stability within the country, the Sangha (monks) community having an equal strength of the Army crush all forms of violence using the powerful weapon of loving-kindness without using force, contribute towards strengthening of peace and stability of the nation, cooperate with any religious leaders who wish to walk on the same route.

At present, leaders of the country are trying to turn a new page in Myanmar political history. In this time of critical change, religious leaders, social leaders and spiritual leaders are requested to lend helping hands to them in their nation building endeavours. I would here like to express my grave concern that if we are now unable to work together with noble fundamental principles of peace, harmony and co-existence, we are sure to face with unexpected problems and challenges posed by rumors, suspects, riots and violence which would endanger peace and stability of the country. Then we would not be able to continue our on-going democratic process and the country would be back on the road full of hardships and difficulties.

Finally, I would like to reiterate my earnest request that all national races residing in Myanmar, noble-hearted Myanmar people, people of various religious communities holding the noble spirit of non-violence to practise Guardian of the world which is Tolerance, Forgiveness, Forgetting each other's faults and wrong doings and harmonious co-existence and cooperate each other to prevent all forms of violence and strengthen peace and unity in the country.  

Thank you very much. 

 Venerable Dr. Ashin Nyanissara (D.Litt., Ph.D.)
Chancellor of Sitagu International Buddhist Academy
Honorary Professor of International Theravada Buddhist Missionary University
Chairman of International Association of Theravada Buddhist Universities
Chairman of the board of director (TDSA) 
Aggamahapaandita,
Mahadhammakathika Bahujanahitadhara,
AggamahaSaddhammajotikadhaja
Sasanadhaja-dhammacariya

Posted By တော်ဝင်မင်းသားလေး10:40 PM

0

Continue Reading

မိုးလောက်မြင့်မား၍ မြေကြီးလိုနှိမ်ချသူ - အရှင်သာရိပုတ္တရာ

သူတော်ကောင်း နှလုံးသားတွေထဲမှာ အရှင်သာရိပုတ္တရာ မထေရ်ကဲ့သို့ နှလုံးသားကို ဖူးမြော်ကြည်ညိုရတာဟာ အားရကျေနပ်စရာ အကောင်းဆုံး ဖြစ်ပါတယ်။ ကြယ်တာရာ တွေ စုံလင်တဲ့ညချမ်းမှာ ကောင်းကင်ပြင်ကြီးကို မော်ကြည့်မိတဲ့အခါ သောကြာကြယ်လို့ခေါ်တဲ့ သောက်ရှူးကြယ်ကြီးကို ကြယ်တာရာတွေထဲမှာ ထူးခြားတောက်ပစွာ တွေ့မြင်ရသလို အရှင်သာရိပုတ္တရာလည်း သူတော်ကောင်း အစားစားတွေထဲမှာ ကိုယ်ကျင့်တ၇ားအရရော စိတ်နေ သဘောထားအရနဲ့ အသိဉာဏ်ပညာအရာမှာပါ ထူးချွန်တောက် ပြောင်လှ ပါတယ်။

  အရှင်သာရိပုတ္တရာလောင်း(သုရုစိရသေ့)ဟာ လွန်ခဲ့တဲ့တစ်အသင်္ချေနဲ့ ကမ္ဘာတစ်သိန်းကာလတုန်းက အနောမဒဿီ မြတ်စွာဘုရားရှင်ရဲ့ လက်ယာတော်ရံ နိသဘမထေရ်ကို အားကျကြည်ညိုပြီး လက်ယာတော်ရံ အဂ္ဂသာဝကဆုကို ပန်ဆင်တော်မူခဲ့တာပါ။ စာရေးသူတို့ရဲ့ ရှင်တော်ဘုရား လက်ထက်ရောက် တဲ့အခါ ရာဇဂြိုဟ်ပြည် အနီးနားက ဥပတိဿရွာမှာ ရွာသူကြီး ၀င်္ကန္တပုဏား ကြီးနဲ့ ရူပသာရီပုဏေးမကြီးတို့ရဲ့ သားကြီးသြရသ ဥပတိဿလုလင် ဖြစ်လာပြီး ရဟန်းပြုတော်မူတဲ့အခါ မယ်တော်ရဲ့ အမည်ကို အစွဲပြုကာ အရှင်သာရိပုတ္တရာ လို့ အမည်တွင် ထင်ရှားတော်မူခဲ့တာ ဖြစ်ပါတယ်။


တခုသော နက္ခတ်ပွဲသဘင်၌ လူအများ ပျော်ရွှင်နေသည်ကို ကြည့်၍ အိုဘေး နာဘေး သေဘေးကို မေ့လျော့ပြီး
ခေတ္တခဏ ပျော်ရွှင်နေရခြင်းပါကလားဟု သံဝေဂဉာဏ် ရရှိ်ခဲ့၏။ ထိုနေ့မှာပင် အို-နာ-သေ လွတ်ရာ တရားရှာရန် အဖော်သူငယ်ချင်း ကောလိတ (အရှင်မောဂ္ဂလာန် အလောင်းလျာ) နှင့် ဆရာရှာထွက်ခဲ့လေသည်။
အစမှာတော့ ဥပတိဿလုလင်ဟာ မသေရာ တရားကို ရှာဖို့ အတွက် သိဉ္စည်းဆရာကြီးအထံမှာ ပရိဗိုဇ်လုပ်ပြီး နေပါတယ်။ ဒါပေမယ့် သိဉ္စည်းဆရာကြီးဆီမှာ မသေရာတရား မရှိမှန်း သိရတဲ့အတွက် ရာဇဂြိုဟ် မြို့တွင်း မြိုံပြင်ထွက်ကာ မသေရာတရားရှာဖွေရာ ပဉ္စ၀ဂ္ဂီ အ၀င်အပါ အရှင်အဿဇိ ရဟန္တာမထေရ်ကို ဖူးတွေ့ရပြီး အကျဉ်းမျှဟောပြတဲ့ ယေဓမ္မာ ဟေတုပ္ပဘာဝါ ဂါထာထက်ဝက်ကို ကြားနာရရုံနဲ့ သောတာပန် အရိယာ ဖြစ်ခဲ့ ပါတယ်။ " "အရှင်သာရိပုတ္တရာသည် အရှင်အဿဇိ ကိုမြင်၍ ထိုပုဂ္ဂိုလ်သဏ္ဍာန်မှာ တရားထူးရှိမည် ဟု အထင်ရှိသဖြင့် နောက်မှ လိုက်သွားလေသည်. . အရှင်အဿဇိ ဆွမ်းဘုဉ်းပေးပြီး၍ "အရှင်တို့ဆရာသည် အဘယ်တရားမျိုးကို ဟောပါသနည်း " ဟုမေးလေသည်. . " ငါတို့ဆရာသည် ဒုက္ခဖြစ်ကြောင်း၊ ဒုက္ခချုပ်ရာနှင့် ထိုချုပ်ရာသို့ ရောက်ကြောင်းလမ်းများကို ဟောတော်မူ၏" ဟုဖြေတော်မူရာ သောတာပန်ဖြစ်လေသည်။ " အဲဒီနေ့မှာပဲ မြတ်စွာဘုရား သီတင်းသုံးတော်မူရာ ရာဇဂြိုဟ်ပြည် ဝေဠုဝန်ကျောင်းတော်ကို အရှင်မောဂ္ဂလ္လာန် နှင့်အတူ ရောက်ရှိလာပြီး ဧဟိဘိက္ခု အဖြစ်ကို ရရှိခဲ့ပါတယ်။ ရဟန်းဖြစ်ပြီးနောက် ၁၅-ရက်အကြာ မဟာသက္ကရာဇ် ၁၀၃-ခုနှစ်၊ တပိုတွဲလပြည့်နေ့မှာ အရှင်သာရိပုတ္တရာမထေရ်မြတ်ဟာ ရဟန္တာဖြစ်တော်မူပြီး သာဝကဉာဏ် အတွက် အထွတ်အထိပ်သို့ ရောက်တော်မူကာ လက်ယာတော်ရံ အဂ္ဂသာဝကအရာကို ရရှိတော်မူခဲ့ပါတယ်။
အရှင်သာရိပုတ္တရာ ဟာ စကြာဝဠာတုက်တစ်သောင်းမှာ ဘုရားရှင်က လွဲလို့ ဉာဏ်ပညာအကြီးမားဆုံးမထေရ်မြတ်တစ်ပါး ဖြစ်ပါတယ်။ တစ်ကမ္ဘာလုံး မှာ ရွာချတဲ့ မိုးရေစက် မိုးရေပေါက်တွေကိုတောင် ရေတွက်နိုင်တဲ့ ပညာရှိပါတယ်။ လူပြည့်မှာရှိတဲ့ အဘိဓမ္မာတရားတော်တွေဟာ အရှင်သာရိပုတ္တရာမထေရ်မြတ်ရဲ့ ဉာဏ်ပညာကြီးမားတော်မူမှု အမှတ်သင်္ကေတ တစ်ခု ဖြစ်ပါတယ်။
အရှင်သာရိပုတ္တရာမထေရ်မြတ်ရဲ့ အသားအရေဟာ ရွှေအဆင်းကဲ့သို့ ၀ါဝင်းတော်မူပြီး အဂ္ဂသာဝကဖြစ်တော်မူချိန်မှာ သက်တော် ၃၆ နှစ်ခန့် ရှိပါပြီ။ အရှင်သာရိပုတ္တရာဟာ ယခုဘ၀လိုပဲ ဘ၀သံသရာမှာ ဘ၀ပေါင်း ၅၀၀ရာ တိတိ ရသေ့ရဟန်းပြုတော်မူခဲ့ပါတယ်။ အရှင်သာရိပုတ္တရာကို အကြောင်းပြုပြီး ရှင်ရဟန်းအဖြစ် ရောက်ကြသူတွေဟာ ညီတော်(၃)ဦး၊ ညီမတော်(၃)ယောက် အပါအ၀င် မရေမတွက်နိုင်လောက်အောင် များပြားလှပါတယ်။ အရှင်သာရိ ပုတ္တရာ မထေရ်မြတ် ဟောကြားတော်မူတဲ့ တရားဒေသနာတော်ကို နာယူရလို့ သစ္စာလေးပါး သိမြင်ကြသူတွေဟာ အင်္ဂုတ္တရနိကာယ်ကျမ်းလာ "သမစိတ္တ သုတ္တန်"ဟောကြားတော်မူသောနေ့မှာပဲ နတ်ဗြဟ္မာ ကုဋေတစ်သိန်း အရဟတ္တဖိုလ်ဆိုက်ရောက်ပြီး အောက်မဂ် ၃-ပါးဆိုက်ရောက်တဲ့ နတ်ဗြဟ္မာတွေဆိုတာ မရေတွက်နိုင်လောက်အောင် များပြားပါတယ်။ ယုတ်စွအဆုံး အရှင်သာရိပုတ္တရာ မထေရ်မြတ်ကို သဒ္ဓါကြည်ညိုရုံမျှနဲ့ နတ်ပြည်ရောက်ကြတဲ့ မိသားစုအရေ အတွက်ဟာ ရှစ်သောင်းမျှရှိကြောင်း ပိဋကစာပေမှာ မှတ်တမ်းတင်ဖော်ပြထားပါ တယ်။

အရှင်သာရိပုတ္တရာဟာ ရှင်တော်ဘုရားပြီးရင် ဒုတိယအကြီးအကဲဖြစ်တာ နဲ့အညီ သံဃအဖွဲ့အစည်းအပေါ်မှာ အထူးကြောင့်ကျစိုက်ပြီး၊ စောင့်ရှောက်တော်မူတတ်ပါတယ်။ ရဟန်းသံဃာအားလုံးနောက်မှ ဆွမ်းခံဝင်ပါတယ်။ ရဟန်းသံဃာအားလုံး ဆွမ်းခံကြွသွားတဲ့အခါ ကျောင်းစဉ်လှည့်ကာ တံမြက် လှည်းသင့်ရာ လှည်းကျင်းပြီး အမှိုက်ကျုံးသင့်ရာမှာ ကျုံးတော်မူပါတယ်။ အသုံးအဆောင်ပစ္စည်းတွေကို နေရာတကျ ထားသိုကာ အမြင်မတော်တာတွေ ကိုလည်း ဖြုတ်သိမ်းပြုပြင်တော်မူပါတယ်။ မကျန်းမာသူ ဂိလာနပုဂ္ဂိုလ်တွေကို ဆေးဝါးဓာတ်စာ လို မလို မေးတော်မူပြီး ရအောင်လည်း ရှာဖွေပေးတော်မူပါ တယ်။ သူနာပြု ပုဂ္ဂိုလ်တွေကိုလည်း ပြုစုစောင့်ရှောက်ချင်လာအောင် အားပေး စကားပြောကြားတတ်ပါတယ်။
မြတ်စွာဘုရား ဒေသစာရီ ကြွချီတော်မူတဲ့အခါမှာလည်း နောက်ပါ သံဃာတော်တွေရဲ့ လိုအပ်ချက်တွေကို အစ်ကိုကြီးတစ်ဦးပမာ ဖေးမကူညီ ဖြည့်ဆည်းပေးတော်မူပါတယ်။

ခရီးပင်ပန်းလို့ နွမ်းနယ် ညောင်းညာတက်သူ တွေကိုလည်း ဆီ၊ နနွင်း စတာတွေနဲ့ ဆုပ်နယ်ပြီး သက်သာ ကျန်းမာလာအောင် ပြုစုတတ်ပါတယ်။ အဲဒီလို အခါမျိုးမှာ သံဃာတော်တွေဟာ အရှင်သာရိပုတ္တရာ မထေရ်မြတ်ကို မိခင်ကြီးတစ်ဦးလို ချစ်ခင်ကြည်ညို အားကိုး တတ်ကြပါတယ်။
တစ်ခါတစ်ရံမှာတော့ အရှင်သာရိပုတ္တရာဟာ သာသနာတော်မှာ မပျော် ပိုက်တဲ့ ရှင်ငယ်၊ ရဟန်းငယ်တွေကို ပျော်မွေ့အောင်၊ ပျော်မွေ့တဲ့ ရှင် ရဟန်းတွေ ကိုလည်း ပုထုဇဉ်မှ သောတာပန်ဖြစ်အောင် သောတာပန်မှ ရဟန္တာဖြစ်အောင် အကြိမ်ပေါင်းများစွာ အထပ်ထပ် တရားဟောပြတတ်ပါတယ်။ ဒီလိုနည်းနဲ့ ရဟန္တာဖြစ်တော်မူတဲ့သူတွေလည်း မနည်းလှပါဘူး။ ဒီလိုအခါမျိုးမှာတော့ အရှင် သာရိပုတ္တရာ မထေရ်မြတ်ဟာ သံဃာတော်တွေအဖို့ ဖခင်ရင်းလို တစ်မျိုး၊ ဆရာ ရင်းလိုတစ်သွယ် အင်မတန် လေးစား ကြည်ညိုဖွယ် ကောင်းလှပါတယ်။

သမ္ဘာရင့် ကျွမ်းကျင်တဲ့ ရတနာကုန်သည်တစ်ဦးဟာ စံချိန်မီ အရည် အသွေး ပြည့် ကျောက်မျက်ကောင်းကို တွေ့ရရင် အင်မတန် မြတ်နိုးတန်ဖိုး ထားတတ်သလို ပညာအရာမှာ အင်မတန် မြတ်နိုးတန်ဖိုးထားတတ်သလို ပညာ အရာမှာ ဧတဒဂ်ဘွဲ့ရပြီး အဂ္ဂသာဝက ဖြစ်တော်မူတဲ့ အရှင်သာရိပုတ္တရာ မထေရ် ဟာလည်း အကြားအမြင်များပြီး ဉာဏ်ပညာ ထူးချွန်တဲ့ ပညာရှိသူတော်ကောင်း ကို ဖူးတွေ့ရရင် လွန်စွာ အရေးထား မြတ်နိုးတော်မူတတ်ပါတယ်။

တစ်ချိန်မှာ ဓမ္မကထိကအရာ ဧတဒဂ်ဘွဲ့ ရတော်မူတဲ့ အရှင်ပုဏမထေရ် ကိုတွေ့တော်မူတဲ့အခါ အရှင်သာရိပုတ္တရာမထေရ်က ၀ိသုဒ္ဓိ ၇ ပါးကို မေးတော်မူ ပါတယ်။ အရှင်ပုဏမထေရ်က အာဇာနည်မြင်းကတဲ့ ရထား ၇ စီးနဲ့ ဥပမာပြုပြီး ပြည့်စုံရှင်းလင်းစွာ ပြန်လည်ဖြေကြားတော်မူပါတယ်။ အရှင်ပုဏမထေရ်ရဲ့ အဖြေ စကားကို နာကြားတော်မူရတဲ့အခါ အရှင်သာရိပုတ္တရာမထေရ်က ဒီလို မေးတိုင်း အဖြေကောင်းပေးနိုင်တဲ့ ပညာရှင်ပုဂ္ဂိုလ်မျိူးကို တစ်ကျောင်းထဲ အတူနေရုံမျှနဲ့ မကျေနပ်နိုင်ဘဲ မေးလိုတဲ့ အခါတိုင်း မကြာမတင် မဆိုင်းမတွ အဖြေရနိုင်ဖို့ ဦးခေါင်းပေါ်တင်ပြီး ခေါင်းခုနဲ့ အမြဲရွက်ထားချင်တယ်လို့ အမိန့်ရှိတော်မူပါ တယ်။

အရှင်သာရိပုတ္တရာ မထေရ်မြတ်ရဲ့ သီလ သမာဓိ ပညာ ဂုဏ်သိက္ခာ တောင်ထွတ်တော်ဟာ ကြီးကျယ်မြင့်မားတော်မူသလောက် မိမိကိုယ်ကို မိမိ နှိမ်ချမှု၊ စိတ်နေသဘောထားကြီးမြတ်မှု ချိုင့်ဝှမ်းကြီကလည်း အင်မတန် ကျယ် ၀န်း နက်ရှိုင်းတော်မူလှပါတယ်။

တစ်နေ့မှာ အရှင်သာရိပုတ္တရာမထေရ်ဟာ အမှတ်တမဲ့ သင်္ကန်းကိုင် တော်မူတဲ့ခါ သင်္ကန်းအစွန်းအနားက မညီမညာ ဖြစ်နေပါတယ်။ အဲဒါကို ရှင်သာမဏေဖြစ်စ ၇-နှစ်အရွယ် ကိုရင်ငယ်ကလေးတစ်ပါးက မြင်တွေ့သွားရာ "အရှင်ဘုရား သင်္ကန်းကို ညီညီညာညာ ၀တ်ရုံသင့်ပါတယ်ဘုရား"လို့ လက်အုပ်ချီပြီး လျှောက်ထားပါတယ်။ အဲဒီအခါ အရှင်သာရိပုတ္တရာမထေရ်က မိမိသင်္ကန်း မညီမညာတာကို သင့်တော်တဲ့နေရာမှာ ကောင်းမွန်စွာ ပြင်ဝတ်ပြီး ကိုရင်ထံ ပြန်လာကာ "ဒီလောက်ဆို သင့်တော်ပါပြီလား"လို့ ဆရာအရာမှာထားပြီး တလေး တစား တုံ့ပြန်တော်မူခဲ့ပါတယ်။ အဲဒီဖြစ်ရပ်ကလေးကို အခြေခံကာ နောင်တစ်ချိန်မှာ အရှင်သာရိပုတ္တရာမထေရ်မြတ်က"ဒီနေ့မှာပဲ သာမဏေ ဖြစ်စ ၇-နှစ်အရွယ် ကိုရင်ငယ်ကလေးက ဆိုဆုံးမလာသည့်ဖြစ်စေ သူတော်ကောင်း တွေရဲ့ ဆိုဆုံးမမှုမှန်သမျှကို ဦးထိပ်တင်ပြီး ခံယူပါတယ်။ ကိုယ့်အမှားကို ထောက်ပြပြီး ဆုံးမသွန်သင်တတ်သူဆရာကို ရွှေအိုးကို လက်ညှိုးထိုး ညွှန်ပြ ပေးသူလို မြတ်နိုးတန်ဖိုးထားပြီး ဆည်းကပ်ပါတယ်"လို့ ဥဒါန်းကျူးရင့်ကာ မိန့်ကြားတော်မူခဲ့ပါတယ်။

တကယ်တော့ သူတော်ကောင်းတွေရဲ့ နှလုံးသားဆိုတာ ၀ါးရုံပင်မြင့်မြင့် ကြီးတွေလိုပဲ အထက်ကို ပိုမြင့်မားလေ အောက်ကို ပိုမိုညွတ်ကိုင်းလေ ဖြစ်ပါတယ်။ ဒီလို နှလုံးသားမျိုး ရှိတော်မူခဲ့လို့လည်း အရှင်သာရိပုတ္တရာမထေရ် မြတ်ကြီးဟာ ရှင်ပဏ္ဍိတ၊ ရှင်သုခ၊ ရှင်တိဿ စတဲ့ ၇-နှစ်အရွယ် သားတပည့် ရဟန္တာ ကိုရင်ငယ်လေးတွေရဲ့ အင်မတန် ချစ်ခင်မြတ်နိုးအားကိုးထိုက်တဲ့ ဥပဇ္ဈယ် ဆရာ ဖခင်ကြီးတစ်ဦး ဖြစ်တော်မူခဲ့တာပါ။ အရှင်သာရိပုတ္တရာရဲ့ နှလုံးသား ပင်လယ်ပြင်ကြီးဟာ မေတ္တာရေထုကြီးနဲ့ အတိုင်းအဆမရှိ ကျယ်ပြောနက်ရှိုင်းတော်မူသလို သူတစ်ထူးရဲ့ ကျေးဇူးတရားကို သိတော်မူတတ်ခြင်းဆိုတဲ့ လှိုင်းတံပိုးတွေကလည်း လွန်စွာကြီးမားများပြားလှ ပါတယ်။

တစ်ချိန်က သာဝတ္ထိမြို့မှာ "ရာဓ"အမည်ရတဲ့ ပုဏားအိုကြီးတစ်ဦးဟာ အထီးကျန်မွဲ သူဆင်းရဲဖြစ်တာမို့
ဇေတ၀န်ကျောင်းတော်မှာ ရဟန်းတော်တွေကို မှီပြီး နေထိုင်ရပါတယ်။ ပုဏားကြီးက ရဟန်းဝတ်လိုပေမယ့် ရဟန်းတော်တွေက "အသက်အရွယ်ကြီးပြီး ၀ိနည်းသိက္ခာပုဒ်တွေ ထိန်းသိမ်းနိုင်မယ် မထင်တာနဲ့" စားစရာ၊ နေစရာနဲ့ ၀တ်စရာတွေ ပေးကြပေမယ့် ရဟန်းပြုမပေးကြဘူး၊ ရဟန်းပြု ချင်ပေမယ့် ပြုခွင့်မရတဲ့ ရာဓပုဏားကြီးဟာ တစ်နေ့တခြား ကြုံလှီပိန်ချုံးလာ ပါတယ်။ တစ်နေ့ မြတ်စွာဘုရားနဲ့ တွေ့တော်မူလို့ ပုဏားကြီးရဲ့ အဖြစ်ကို စုံစမ်း မေးမြန်းသိတော်မူတဲ့အခါ သံဃာအားလုံးကို ကျောင်းဆောင်ထဲ စုဝေးစေပြီး ရှင်တော်ဘုရားက"ဘယ်သူဟာ ဒီရာဓပုဏားကြီး ပြုခဲ့ဖူးတဲ့ ကျေးဇူးကို အမှတ် ရကြသလဲ"လို့ မေးတော်မူပါတယ်။
အဲဒီအခါ အရှင်သာရိပုတ္တရာမထေရ်က"တပည့်တော် ရာပုဏားကြီးရဲ့ ကျေးဇူးကို သတိရပါကြောင်း"လျှောက်ထားတော်မူပါတယ်။ ရှင်တော်ဘုရားက "ဘယ်လိုကျေးဇူးပြုဖူးသလဲ"လို့ ထပ်ဆင့်မေးတော်မူတဲ့အခါ အရှင်သာရိပုတ္တရာ မထေရ်မြတ်က "တပည့်တော် တစ်ချိန်က သူ့အိမ်ရှေ့မှာ ဆွမ်းခံရပ်တော့ ဆွမ်း တစ်ဇွန်း လောင်းလှူဖူးပါတယ်။ အဲဒီကျေးဇူးကို တပည့်တော် မမေ့ပါဘူးဘုရား" လို့ ပြန်လည် လျှောက်ထားတော်မူပါတယ်။ "အေး…. ချစ်သားလို ကျေးဇူးသိ တတ်တဲ့ ပုဂ္ဂိုလ်ရှိပါလျှက် ဒီပုဏားကြီး ဘာဖြစ်လို့ ရဟန်းအဖြစ်ကို မရနိုင်သ လဲ"လို့ ဘုရားရှင်က မိန့်တော်မူတဲ့အခါ အရှင်သာရိပုတ္တရာမထေရ်မြတ်ဟာ မြတ်စွာဘုရားထံ ခွင့်ပန်ပြီး ရာဓပုဏားကြီးကို ရဟန်းပြုပေးတော်မူပါတယ်။

ရဟန်းပြုပေးတော်မူပြီးနောက် အရှင်သာရိပုတ္တရာ မထေရ်ဟာ ရာဓရဟန်းကြီးကို နောက်ပါရဟန်းအဖြစ် မိမိသွားလေရာကို ခေါ်ဆောင်တော် မူကာ မိမိအတွက် ရရှိတဲ့ ဆွမ်းကောင်း နေရာကောင်းနဲ့တကွ အဆုံးအမ သြ၀ါဒ တွေကို မပြတ်ပေးသနားတော်မူပြီး စောင့်ရှောက်တော်မူတာမို့ မကြာခင်မှာပဲ ရာဓပုဏားကြီးဟာ ရဟန်းကိစ္စပြီးလို့ ဧတဒဂ်ရ ရဟန္တာအရှင်မြတ်ကြီးတစ်ပါး ဖြစ်တော်မူခဲ့ပါတယ်။ "တစ်လုပ်စားဖူး သူ့ကျေးဇူး"ဆိုတဲ့ ဥဒါန်းစကားလေးဟာ အရှင်သာရိပုတ္တရာမထေရ်မြတ်ရဲ့ သူတော်ကောင်းနှလုံးသားက စတင်ပေါက်ဖွား လာခဲ့ရတာပါ။

သူတစ်ထူးရဲ့ ကျေးဇူးကို သိတော်မူတတ်ရာမှာ စံချိန်တင်တော်မူခဲ့တဲ့ အရှင်သာရိပုတ္တရာမထေရ်မြတ်ဟာ မိမိကို လောကုတ္တရာ အသိဉာဏ်ရအောင်
ကျေးဇူးပြုတော်မူခဲ့တဲ့ အရှင်အဿဇိမထေရ် ဂုဏ်ကျေးဇူးကို နေ့ညဥ့်မပြတ် သတိရတော်မူတတ်တာမို့ ကျိန်းစက်တော်မူတဲ့အခါတိုင်း အရှင်အဿဇိမထေရ် သီတင်းသုံးတော်မူရာ အရပ်ကို ရှိခိုးပြီး အရှင်မြတ်ရှိတော်မူရာဘက်ကို ဦးခေါင်း ပြုကာ တစ်ဘ၀တာလုံး သက်ဝင်လှုပ်ရှားနေပြီး နောက်ဆုံး ပရိနိဗ္ဗာန်ဝင်စံကာနီး ၀မ်းသွေးသွန်တဲ့ ဝေဒနာတွေ ဖိစီးနေတဲ့ကြားက မယ်တော်ရူပသာရီ ပုဏေး မကြီးရဲ့ မွေးကျေးဇူးကို သောတာပတ္တိမဂ်ဉာဏ်၊ ဖိုလ်ဉာဏ်နဲ့ အကျေအလည် ပေးဆပ်ပြီးမှပဲ ရပ်တံ့သွားတော်မူပါတယ်။

သူတစ်ပါးကို မိမိက အရင်ဦးအောာင် ကျေးဇူးပြုခြင်း၊ သူတစ်ပါးတို့ ပြုခဲ့ ဖူးသော ကျေးဇူးကို တုံ့ပြန်သိတတ်၊ ကျေးဇူးဆပ်ခြင်းဆိုတဲ့ ရွှေရောင်လွှမ်းတဲ့ ဒီအကျင့်မြတ်တွေဟာ သူတော်ကောင်းနှလုံးသားဆိုတဲ့ ပတ္တမြားရတနာကို ရှုမငြီးနိုင်အောင် ပိုမိုတင့်တယ်တောက်ပစေပါတယ်။
အရှင်သာရိပုတ္တရာမထေရ်မြတ်ဟာ ဉာဏ်ပညာအရာမှာ ဧတဒဂ်ရသ လို(အကယ်၍ ပေးအပ်ရိုးထုံးစံသာရှိမယ်ဆိုရင်)သည်းခံခြင်းအရာ မှာလည်း ဧတဒဂ်ရတော်မူနိုင်ပါတယ်။ အမျက်ဒေါသမရှိ၊ မာန်မာနကင်းတော် မူတဲ့နေရာ မှာ အရှင်မြတ်ကို ဘယ်သူမှ လိုက်လို့မမှီနိုင်ပါဘူး။ အရှင်သာရိပုတ္တရာ မထေရ် ဟာ မဟာပထ၀ီမြေကြီးပမာ သည်းခံနိုင်သူဖြစ်သလို ခြေသုတ်ပုဆိုး မြွေစွယ် ကျိုးနဲ့ ဦးချိုကျိုးတဲ့နွားလားပမာ မာန်မာကင်းသူလည်း ဖြစ်တော်မူပါတယ်။ တောင်းရမ်းစားသူ ဒွန်းစဏ္ဍားရဲ့ သားတစ်ဦးလို မိမိကိုယ်ကို နှိပ်ချတဲ့ စိတ်ထား လည်း ရှိတော်မူပါတယ်။

အပူအရှုပ်နဲ့ လူလုပ်နေကြတဲ့ အန္ဓပုထုဇဉ်တွေဟာ ဘေးဒုက္ခအပူတွေ၊ ပြဿနာအရှုပ်တွေကို ဖန်တီးပြီး အရှင်သာရိပုတ္တရာမထေရ်မြတ် စွပ်စွဲရန် လုပ်တတ်တယ်။ တစ်ခါတစ်ရံ ဘာမှမတုံပြန်ဘဲ သည်းခံတတ်သလို တစ်ခါတစ်ရံ ကျတော့ တည်ငြိမ်ရဲဝံ့စွာ ဖြေရှင်းတတ်ပါတယ်။ တစ်ခါတုန်းက ဆိုရင် ရှင်တော်ဘုရားထံ မဟုတ်မတရား စွပ်စွဲတိုင်ကြားခဲ့တဲ့ ရဟန်းငယ်တစ်ပါး ကြောင့် အရှင်သာရိပုတ္တရာမထေရ်မြတ်ဟာ သံဃပရိသတ်အလယ်မှာ မိမိရဲ့ စိတ်နေသဘောထားနဲ့ ကိုယ်ကျင့်တရားကို ရဲရဲတောက် ထုတ်ဖော်လျှောက် ထားခဲ့ပါတယ်။ အရှင်မြတ်ရဲ့ လျှောက်ထားချက်ကို ကြားနာရတဲ့အခါ ပုထုဇဉ် ရဟန်းတွေဟာ မျက်ရည်မဆည်နိုင်ဖြစ်ကြရပြီး ၊ ရဟန္တာအရှင်ြ်မတ်တွေက ဓမ္မ သံဝေဂ ရတော်မူကြပကါတယ်။ မဟာပထ၀ီမြေကြီးကတော့ မခံနိုင်တော့တဲ့ အဆုံး ၉-ကြိမ်၊၉-ခါ တုန်လှုပ်ခဲ့ရပါတယ်။

ဒီလို ဂုဏ်သတင်းပျံ့မွှေးတော်မူတဲ့ မထေရ်မြတ်ရဲ့ အကြောင်းကို အယူဝါဒ မတူသူ ပုဏားတစ်ဦးက ကြားသိရတဲ့အခါ မယုံကြည်တာမို့ ဆွမ်းခံဝင်နေတဲ့ အရှင်မြတ်ရဲ့ နောက်က လိုက်သွားပြီး အရှင်မြတ်ရဲ့ ကျောကုန်းအလယ်ကို လက်ဝါးနဲ့ ပြင်းထန်စွာ ရိုက်နှက်ပုတ်ခတ်ပါတယ်။ အရှင်သာရိပုတ္တရာ ဟာ" ဘာဖြစ်တာလဲလို့တောင် လှည့်ကြည့်တော်မမူဘဲ ကြွမြဲကြွတော်မူပါတယ်။ အဲဒီအခါ ရိုက်နှက်လိုက်မိတဲ့ ပုဏားဟာ နောင်တတရားနဲ့ ပူလောင်လာပြီး" သည်းခံခြင်းဂုဏ်နဲ့ ပြည့်စုံတော်မူတဲ့ အရှင်မြတ်ဟာ အံ့သြဖွယ်ကောင်းပါပေ စွ" လို့ ကြည်ညိုတော်မူကာ အရှင်သာရိပုတ္တရာမထေရ်မြတ်ရဲ့ ခြေတော်ရင်းမှာ ၀ပ်စင်းပြီး" အရှင်ဘုရား တပည့်တော်အား သည်းခံခွင့်လွှတ်တော်မူပါ"လို့ လျှောက်ထားပါတယ်။ မထေရ်မြတ်က "ဒါဟာ ဘာလဲ"လို့ မေးတော်မူတဲ့အခါ "တပည့်တော် စပ်းသပ်လိုတာနဲ့ အရှင်ဘုရားကို ရိုက်နှက်မိတာပါဘုရား"လို့ ပုဏားက လျှောက်ထားပါတယ်။ "ရှိပါစေ၊ သင့်ကို ငါ သည်းခံပါတယ်"လို့ အရှင်သာရိပုတ္တ ရာက မိန့်ကြားတော်မူတဲ့အခါ ပုဏားဟာ အရှင်မြတ်ကို နေအိမ်သို့ ရိုသေစွာ ပင့်ဆောင်ပြီး ဆွမ်းလုပ်ကျွေးပါတယ်။
အဲဒီအချိန်မှာပဲ တခြားလူတွေဟာ စိတ်ဆိုးပြီး "ဒီပုဏားဟာ အပြစ်မရှိတဲ့ ငါတို့ရဲ့အရှင်မြတ်ကို ရိုက်တယ်၊ သူ့ကို ဆုံးမရမယ်၊ ဒီနေရာမှာပဲ သေအောင်သတ်မယ်"လို့ တုတ်ဓား စတာတွေကိုင်ပြီး ပုဏားရဲ့အိမ်တံခါးဝမှာ စုဝေးနေကြတယ်။ ဆွမ်းကိစ္စပြီးတဲ့အခါ အရှင်သာရိပုတ္တရာမထေရ်ဟာ ပုဏားကို သပိတ် အကိုင်ခိုင်းပြီး အိမ်က ထွက်တော်မူလာတယ်။ လူအုပ်ကို တွေ့တာမို့" ဒကာတို့ အဲဒါက ဘာသဘောလဲ"လို့ မေးမြန်းတဲ့အခါ "အရှင်ဘုရားကို ရိုက်နှက်တဲ့ ဒီပုဏားမိုက်ကို ဆုံးမပေးကြမလို့ပါဘုရား"လို့ လျှောက်ထားကြတယ်။ "ဒကာတို့ ဒီပုဏားက သင်တို့ ရိုက်တာမဟုတ် ငါ့ကိုရိုက်တာဖြစ်တယ်။ အခု ဒီပုဏားက ငါ့ကို ခွင့်လွှတ်ဖို့ လျှောက်ထားတောင်းပန်ပြီးပြီ။ သင်ဒကာတို့ အိမ်ပြန်ကြ"လို့ အရှင်သာရိပုတ္တရာက တိုက်တွန်းပြီး ပုဏားကိုလည်း အိမ်ပြန်စေကာ ကျောင်း တော်ကို ပြန်ကြွလာတော်မူပါတယ်။ သည်းခံခြင်းတရားနဲ့
သူတော်ကောင်းနှလုံးသားဆိုတာ " ရေကန်နဲ့ကြာ" လိုပါပဲ။ အချင်းချင်း အပြန်အလှန် အလှဆင်ပေးနေတဲ့ အရာတွေပါ။

သူတော် ကောင်းနှလုံးသားဆိုတဲ့ အေးမြကြည်လင်တဲ့ မေတ္တာရေစင်ကြောင့် တည်ငြိမ် လှပတဲ့ ခန္တီကြာပန်းတွေ ပွင့်လန်းလာသလို၊ ခန္တီကြာဝန်းတွေရဲ့ တည်ငြိမ်လှပမှု အရှိန်အ၀ါကြောင့်လည်း သူတော်ကောင်း နှလုံးသားဆိုတဲ့ ရေကန်ဟာ ပိုမိုထည် ၀ါ ကျက်သရေဖြာ လှပလာရပါတယ်။
ဉာဏ်ပညာကို မြတ်နိုးပြီး အဆုံးအမတရားကို ဦးထိပ်ထားတတ်သော၊ သူတစ်ထူးကျေးဇူးတရားကို သိမှတ်ပေးဆပ်တတ်သော၊ အမျက်မပါ မာနမရှိ ပကတိ သည်းခံတတ်သော သူတော်ကောင်းနှလုံးသားပိုင်ရှင် အရှင်သာရိပုတ္တရာ မထေရ်မြတ်ကြီးဟာ မဟာသက္ကရာဇ် ၁၄၈-ခုနှစ်၊ တန်ဆောင်မုန်းလပြည့်နေ့ ဖွားရာဇာတိ နာလကရွာမှာ ပရိနိဗ္ဗာန် ၀င်စံတော်မူခဲ့ပါတယ်။
သက်တော်(၈၀)၀ါတော်(၄၄)၀ါအတွင်း သတ္တလောကရဲ့ အကျိုးစီးပွားကို စွမ်းစွမ်းတမံ ဆောင်ရွက်တော်မူရင်း မထေရ်မြတ် ဟောကြားတော်မူအပ်တဲ့ တရားတော်တွေဟာ နိကာယ်ငါးရပ်၊ ပိဋကတ်တော်မှာ အင်မတန်များပြားတော်မူ လှပါတယ်။ ပဋိသမ္ဘီဒါမဂ်ပါဠိတော်၊ မဟာနိဒ္ဒေသပါဠိတော်၊ စူဠနိဒ္ဒေသပါဠိတော် တွေဟာ ကျမ်းစာအနေနဲ့ ထင်ရှားပြီး သာရိပုတ္တထေရ ဂါထာတော်တွေဟာ "ကိုယ်တိုင်ရေး ထေရုပ္ပတ္တိကျမ်းစာ "ဖြစ်သလို " တရားဟင်းလေးအိုးကြီး" လို့လည်း ဓမ္မရသစုံလင်စွာ ပါဝင်တော်မူပါတယ်။

တစ်ချိန်က ရှင်တော်ဘုရားဟာ အနီးမှာရှိတဲ့ အရှင်အာနန္ဒာကို "အာနန္ဒာ သူတစ်ပါးတွေက သာရိပုတ္တရာကို နှစ်သစ်ကြည်ညိုကြတယ်၊ သင်ကကော သာရိ ပုတ္တရာကို နှစ်သစ်သဘောကျရဲ့လား"လို့ မေးတော်မူပါတယ်။ အဲဒီအခါ အရှင် အာနန္ဒာဟာ" ဒီနေ့ ဇမ္ဗူဒိပ်ကျွန်းရဲ့ အလံတံခွန်သဖွယ်ဖြစ်တဲ့ သပြေပင်ကြီးကို လှုပ်ခါပြရတော့မယ်၊ ဒါမှမဟုတတ် တိမ်တိုက်ကြားထဲက လပြည့်ဝန်းကြီးကို ထုတ်ဆောင်ပြရတော့မယ်"ဆိုပြီး ၀မ်းသာရွှင်ပြစွာနဲ့ အရှင်သာရိပုတ္တရာရဲ့ သူတော်ကောင်းဂုဏ်ရည် ၁၆ မျိုးကို ထုတ်ဖော်လျှောက်ထားတော်မူပါတယ်။ ပြီးမှ နိဂုံးချုပ်အနေနဲ့ "မြတ်စွာဘုရား၊ လောကမှာ လူဖျင်းလူအ၊ စိတ်ယုတ် မာရှိသူ၊ မိုက်လုံးကြီးသူ၊ ရူးသွပ်နေသူမဟုတ်ရင် ဘယ်သူမဆို အရှင်သာရိ ပုတ္တရာကို နှစ်သက်ကြည်ညိုကျြမှာပါဘုရား"လို့ လျှောက်ထားလိုက်ပါတယ်။

စာရေးသူလည်း အရှင်အာနန္ဒာရဲ့ တန်ဖိုးကြီးလေးမြတ်လှတဲ့ ဒီမှတ်ချက်မိန့်ခွန်း တော်နဲပပဲ တုနှိုင်း၍မမီတဲ့ သူတော်ကောင်းဂုဏ်ရည်ပိုင်ရှင် ပညာအရာ ဧတဒဂ်ရ အဂ္ဂသာဝက မထေရ်မြတ်ကြီးကို လေးမြတ်ကော်ရော်ရှိခိုး ပူဇော်လိုက်ပါတယ်။



ကျမ်းကိုး
၁။ အင်္ဂုတ္ထိုရ်အဋ္ဌကထာ (ပထမတွဲ)
၂။အပါဒါန်အဋ္ဌကထာ(ပထမတွဲ)
၃။ ဓမ္မပဒ အဋ္ဌကထာ(ပ+ဒု)
၎။သံယုတ် အဋ္ဌကထာ(ဒုတိယတွဲ)
၅။ မူလပဏာသ အဋ္ဌကထာ(ဆဋ္ဌမတွဲ)
၆။မဟာဗုဒ္ဓ၀င်ကျမ်း(ဆဋ္ဌမတွဲ)

For English Version :

Venerable Sariputra & Venerable Moggallana

Venerable Sariputta and Venerable Moggallana were the two chief disciples of the Buddha. They belonged to two rich Brahmin families. As laymen Sariputta was named Upatissa and Moggallana was named Kolita. They were very close friends.

As rich young men they enjoyed life, going to carnivals, theatres and other places providing entertainment. However they gradually began to feel that the happiness they got from these forms of entertainment is not real happiness. So they began to search for a higher kind of happiness. They went to a famous religious teacher called Sanjaya and studied under him.

One day Upatissa saw Venerable Assaji, one of the first five ascetics who became monks, going round begging for alms. Upatissa was very pleased with the outward behaviour of Venerable Assaji. So he waited for an opportunity and asked Venerable Assaji about his teacher and the doctrines he followed. Venerable Assaji was a new monk. Therefore he explained briefly the Dhamma he knew and about the teacher whom he followed.
“My teacher is the Buddha. He speaks about the arising of all things. He explains the causes that lead to this arising and explains also how these things that have arisen come to an end.”

Uptissa at once understood the true meaning of the teaching (Dhama) and the greatness of the teacher (Buddha). He was so please that he hurried to meet his friend Kolita to inform him about teaching and the teacher.Both Upatissa Kolita Wanted to become disciples of the Buddha. They informed their teacher and became monks under Gutama, the Buddha. After becoming monks Upatissa was known as sariputta and kolita as Moggallana. They Practised the Dhamma under the guidance of the Buddha and soon became noble saints, Arahants. The Buddha himself declared these two venerable monks, Sariputta and Moggallana, as his two chief disciples.

Both of them were ideal monks possessing great wisdom and compassion. They set an example for other monks by perfecting virtue (sila), concentration (samadhi) and wisdom (panna). They cared for other monks and looked after them. Both of them helped to spread the Dhamma.

Venerable Sariputta was a very methodical monk. He was always concerned about cleanliness. He swept and kept his dwelling place clean and neat. He was an extremely grateful and respectful monk. Before going to sleep at night he used to find out the direction in which Venerable Assaji would be, and then clasp his hands and worship that direction as a mark of respect to his first teacher who taught him the Buddha-Dhamma. Though he was one of the two chief disciples he took advice given even by very junior monks. One day a novice advised him pointing out that he had not worn the robe properly. Venerable Sariputta very humbly accepted the advice and immediately draped the robe properly. He was so thorough with the Dhamma that he was known as the Commander-In-Chief of the Dhamma (Dhammasenapati). Before he passed away he preached to his mother who was a very strong follower of Brahmanism and converted her to Buddhism. -

Venerable Moggallana was very well known for his ability to perform miracles. Through this ability he made many converts. Along with Venerable Sariputta he guided the monks and helped to maintain unity among them. Both of them passed away before the Buddha.
 

Posted By တော်ဝင်မင်းသားလေ6း:20 AM

0

Continue Reading

ဗုဒ္ဓဟောကြားခဲ့သော ဒေါသရန်ငြိုး ဖြေဖျောက်နည်း

ရန်ငြိုးရန်စဖြေဖျောက်နည်း (၁၁)နည်း

(၁) မေတ္တာဈာန်ဝင်စား၍ ရန်ငြိုးဖြေဖျောက်ခြင်း ...။
(၂) ဒေါသအပြစ်တို့ကို ဆင်ခြင်၍ ရန်ငြိုးဖြေဖျောက်ခြင်း ...။
(၃) ရန်သူ၏ အကျင့်ကောင်းများကို ဆင်ခြင်၍ ရန်ငြိုးဖြေဖျောက်ခြင်း ...။
(၄) ကရုဏာဖြင့် ရန်ငြိုးဖြေဖျောက်ခြင်း ...။
(၅) ဘုရားရှင်ဟောကြားတော်မူသည့် တရားတော်များ၊ သြဝါဒများကို ဆင်ခြင်ပွားများ၍ မိမိကိုယ်ကိုမိမိ ဆုံးမကာ ရန်ငြိုးဖြေဖျောက်ခြင်း ...။
(၆) ကမ္မဿကတာဉာဏ်ဖြင့် ရန်ငြိုးဖြေဖျောက်ခြင်း ...။
(၇) မြတ်စွာဘုရား ဟောကြားတော်မူခဲ့သည့် ဇာတ်တော်လာ သည်းခံနည်း များဖြင့် ရန်ငြိုးဖြေဖျောက်ခြင်း ...။
(၈) သံသရာတလျှောက်လုံး၌ မိဘ ညီအကိုမောင်နှမ ဆွေမျိုး မတော်စပ်ခဲ့ဖူး သူ မရှိပါလားဟု ဆင်ခြင်သည့်နည်းဖြင့် ရန်ငြိုးဖြေဖျောက်ခြင်း ...။
(၉) မေတ္တာအကျိုးတရားများကို ဆင်ခြင်၍ ရန်ငြိုးဖြေဖျောက်ခြင်း ...။
(၁၀) ဓာတ်ခွဲ၍ ရန်ငြိုးဖြေဖျောက်ခြင်း ...။
(မိမိ၏ ရုပ်နာမ်မမြဲခြင်းသဘောကို ဆင်ခြင်၍ ငါလည်း တချိန်သေရမည်၊ သူတို့လည်း တချိန်သေရမည်ဟု နှလုံးသွင်း၍ မရဏာနုဿတိတရား ပွားများ၍ ရန်ငြိုးဖြေဖျောက်ခြင်း)။
(၁၁) ပစ္စည်းဥစ္စာ ပေကမ်းထောက်ပံ့သောနည်းဖြင့် ရန်ငြိုးဖြေဖျောက်ခြင်း တို့ပင် ဖြစ်ကြပါသည် .။

Posted By တော်ဝင်မင်းသားလေး12:58 AM

1

Continue Reading

တရားစစ်မှန် ကျင့်ကြံကြမှ ချမ်းသာသုခ ရနိုင်မည်။

 

1. “ တရားစစ်မှန် ကျင့်ကြံကြမှ
   ချမ်းသာသုခ ရနိုင်မည်။
   တရားတုတွေ ကျင့်နေကြလို့
   ဆင်းရဲဒုက္ခ ရောက်ရသည်။
   ယခုတဖန် အမှန်လမ်းသို့
   အမြန်လှမ်းဘို့ ချိန်တော်ပြီ။
   သို့မှ တိုင်းပြည် ဘာသာရေးကြောင့်
   သာယာအေးဆေး ရှိလိမ့်မည်။ ”
   
   - ကျေးဇူးတော်ရှင်မဟာဂန္ဓာရုံဆရာတော်ကြီး

Posted By တော်ဝင်မင်းသားလေး9:46 AM

0

Continue Reading